Back to Top
maxresdefault

පෙර පාසැල් මට්ටමේ වන ව්‍යසන කලමනාකරනය…

   තවත් කනගා‍ටුදායක අත්දැකීමකින් ඉතා සෙමින් මුත් ක්‍රමයෙන් ඉවතට ගමන් කරමින් සිටින මොහොතක අප සිටින්නෙමු. අප සිතනවාට වඩා අප බොහෝ අසරන බව සොබා දහම පසක් කොට දී ඇත. තවත් දෙසකින් කාරනාව කියවන්නේ නම් අප පරිසරය සමග කරන ගනුදෙනුව මීට වඩා සංවේදී හා ක්‍රමවත් විය යුතු බවට පැහැදිලි කර දී ඇත. කොන්ක්‍රීට් මෙන්ම කාපට් ඇතිරවීම පමනක් දියුනුව නොවන බවට, සුරක්ශිත වීම නොවන බවට හොඳින් පැහැදිලි කර දී ඇත. මුදල හා බලය පසු පස හැල්මේ දුවන මිනිසා පමනක් හෙට දිනට ඉතිරි නොවිය යුතු බවට වැඩි දුරටත් පැහැදිලි කර දී ඇත.පිරිසිදු හා අලංකාර නගරය යනු දෘශ්‍ය මායාවක් නොව වඩාත් කල්පනාකාරීව සිදුවිය යුතු පරිසරය සමග වන ගනුදෙනුවක් බවට තව දුරටත් ඉගන ගන්නට තැබිය නොයුතු බවට පෙර අවසන් නිවේදනයක් නිකුත් වූවා සේ සැලකිය හැක.
ව්‍යසනයක් සදහා සාර්ථක යාන්ත්‍රනයක් තිබිය යුතු බවට අප ඉතා නොසැලකිලි මත් ලෙසට අමතකකර දමා ඇත. සුනාමී ආපදාව පැහැදිලිකර දුන් එම පනිවිඬය තවමත් අප තේරුම් නොගන ඇතුවා සේය. ජාතික මට්ටමේ ආපදාවකදී පිලිසරන පැමිනිය යුත්තේ මනුස්සකමේ නාමයෙන් නොව පැහැදිලි හා නිවැරදි මෙන්ම ක්‍රමවත් වගකීමක් ලෙසට බවට නැවතත් ඉගන ගන්නට ඉඩ නොතැබිය යුතුය. පුද්ගල මට්ටමේ සිට ආයතන මට්ටම දක්වා වන  වෙලඳ ප්‍රචාරන අවස්ථාවක් ලෙසට එය භාවිතාවීම දියුනු ලෝකයට ගැලපෙන ක්‍රියාවක්ද යන්න විමසීම සුදුසුය. පුද්ගල මට්ටමේ සිට ආයතන මට්ටම දක්වා ආපදාවට ලක්වූවන් වෙනුවෙන් එකතු කර ගන්න ලද දෑ පාර්සල් පසුබිම් කර ගනිමින් සමරු ඡායාරූ සමාජජාලා ගත කිරීම ලැජ්ජාවට කාරනාවක් බවට වටහා ගන්නට තවම නොහැකි වීම මෙන්ම මොන නිල බල මට්ටමේ සිටියද නිකරුනේ එම පරිසරයන් වටා ගැවසීම පීඩාවට ලක්වූවන් සදහා වන සහන සේවා වලට කරදරයක් හා බදාකිරීමක් බවට තේරුම් ගන්නා දව තව ඇතක වීමට ඉඩ නොතැබිය යුතුය. මාධ්‍ය ආයතනයන් මලමිනී වලින් පවා තම ප්‍රචාරන තරගය කරගෙන යාම අඩු තරමින් මෙවන් ජාතික ආපදාවක් මොහොතේදීවත් අමතක කරන්නට නොහැකිවීම හුදු වෙළඳ පොල ස්වභාවයට වඩා ඔවුන්ගේ තක්කඩි බව පසක් කරවන සිදුවීමකි.

ddr

යුද්ධය හා යුද්ධය පසු කිරීම…

     එසේ මෙසේ කෙසේ හෝ එක් ඇත්තක් නම් වඩාත් පොදුව බලපාමින් ඇත. එනම් තවමත් අපට යුද්ධය සාර්ථකව පසු කරන්නට බැරිව තිබීමය. එය විසල් සිදුවීමකි. ලාංකික ඉතිහාසයේ වඩාත් කැපී පෙනෙන එම රිනාත්මක සිදුවීම භෞතිකව පසිකර වසර ගනාවක් ගෙවෙමින් පැවතියද තවමත් මතවාදීව එය වටා ගොනුවෙමින් , ගැවසෙමින් සිටින්නට කැමතිවන පිරිස බොහෝය.
යුද්ධය සාර්ථක්ව අවසන් කරන්නට අවශය  වෙමින් හා ඒ සදහා මනා සහය වෙමින් යුද්ධය හා ඒ අවට වූ දෑ අධිතක්සේරුවකට භාජනය වීම කාලයක් පුරා සිදුවිය. තත්වය එසේ වන විට සමජය තුල වූ සමහර භූමිකාවන් නිරන්තරයෙන් වැඩි වටිනාකමකට ලක්වීම ස්වභාවිකය. දෘඩ ලෙසට තත්වය හැදෑරීමේදී මෙම සිදුවීම ආශ්‍රිතව සිදුව ඇති ස්ථාවර වීම් සාමානය මට්ටමේ සමාජ භාවිතාවේදී විමසන්නට නොහැකි තරම් බර පතලය. සැබවින්ම මෙම තත්වය ජාතික ලෙසට, ආගමික ලෙසට, ආර්ථික ලෙසට මෙන්ම දේශපාලනික ලෙසට විඤානික ආකාරයට මෙන්ම අවිඤානිකව නෙක අයුරින් බලපාමින් ඇති බව සුලබ අත්දැකීමකි.
ලංකාව එක රටක් ලෙසට සලකන්නට නම් ගෙවී ගිය යුද්ධයේදී ජීවිත අහිමිවූ යුධ භටයන්ගේ පවුල් පරිසරයන් මෙන්ම ආබාධිත සෙබලුන්ගේ යහපැවත්ම ස්තාවර කිරීම පැහැදිලි යුතුකමකි.  ගැටලුව එතැනින් අවසන් නොවනු ඇත.  තමන්ට වෙනම ජාතියක් වූ නිසාම ආවේනික වන ගැටලු ඇති බවට විස්වාස කරවමින් රට ත්‍රස්ථකිරීම තුලින් එයට තමන් බලාපොරොත්තුවන විසඳුම් ඉල්ලා සිටිමට පෙලබවුනු ද්‍රවිඩ රට වැසියන්ද පුරුත්ථාපනය ඔස්සේ නැවත සමාජයට ගෙනෙනට වීම රජයක් ලෙසට අනිවාර්ය වනු ඇත. අවසානයේ නැවත යමෙකුට මේ කොටස් අතර පෙර සේ ඒම එරෙහි මනස අවුලවා ලන්නට ඉඩ නොලැබෙන ලෙසට සමාජය තුල සංහිඳියාවක් ගෙනෙන්නට සිදුවේ.
තවත් අතකින් සැලකීමේදී යුද්ධය හා යුධ අවි ලොකයේ වඩාත් ආදායම් උපයන ව්‍යාපාරයකි. ඔනෑම රටක කාලයක් තිස්සේ යුද්ධය ඉස්ථාවර වන විට මේවායේ බලපෑම්ද පැමිනීම සාමාන්‍ය දෙයකි. යුධ අවි මිළදී ගැනීම් පිලිබදව ගැටලු මෙන්ම පසුව පැමිනි යුධ කාලයේ සිදුවුනායැයි පලකෙරෙනු ඡයා හා වීඩියෝ සටහන් මේ තත්වයේ ප්‍රථිපලය.  මේ අන්ත දෙක අතර වන දෑ බොහෝය. විවිධ හේතූන් ඉදිරිපත්කරමින් ඔවුනට වඩාත් සුවපහසුවන මේ තත්වය ඉක්මවා යන්නට ඔවුන් විඤානිකව මෙන්ම අවිඤානිකව සූදානම් නොවීම සාමාන්‍ය තත්වයකි. ඇත්තෙන්ම මෙම තත්වය අප සිතනවාට වඩා සංකීර්න එකකි. ඉතා ගැබුරු හැදෑරීම් ඔස්සේ මෙම ගැටලු හඳුනා ගනිමින් ක්‍රමයෙන් සමාජය මේ හසුවීමෙන් පිටතට ගෙනෙන්නට කටයුතු කිරීම රටේ හෙට දවස වෙතට ලබා දෙන උපරිතම සත්කාරය වනු ඇත.

PUBLIC-V-PRIVATE

පෞද්ගලික සටහනක් සදහා ප්‍රසිද්ධ සටහනක නීතිය පැමිනීම…

           පක්ෂ විපක්ෂ ඔනෑම දේශපාලකයෙකුව පමනක් නොව සාමාන්‍ය පුද්ගලයෙකුට පවා පරුෂ වචනයෙන් බැන වැදීම කිසිවෙකු අනු මත නොකරනු ඇත. යමෙකුගේ දේශපාලන ක්‍රියාවක් විවේචනය කිරීම හෝ උපහාසාත්මකව විවේචනය කිරීම මෙයට ඔබ්බෙන් ඇති කාරනාවකි.  එසේම රට ජාතිය වෙනු වෙන් නම් නැතිනම් රණවිරුවන් වෙනුවෙන්නම් රටේ සාමාන්‍ය නීති කැඩීම සාධාරනන් බවට මතයක්ද නිර්මානය වෙන්නට ඉඩ හැරීමද පසුගිය කාලයේ බහුලව FB වල බහුලව දක්නට ලැබිනි. මේ අවසරයෙන් රටේ දූ-පුතුන් තම නිවේස්වල නැතිනම් කන්ඩායම්වල භාවිතා විය හැකි අශිෂ්ඨ බව කිසිදු ගැටලුවකින් තොරව ෆේස්බුක් අවකාශය වෙතට මුදාහැරීම ඇරබිනි. තම තමන්ගේ අශිශ්ඨ බව පෞද්ගලික මට්ටමේ අයිතියක් ලෙසට කෙනෙකුට ‍රැකගන්නට අවශ්‍ය වුවද පොදු අවකාශය තුලට මුදා හැරීම පාලනය නොකිරීම බර පතල ගැටලු නිර්මානය කරනු ඇත.
තත්වය වඩාත් දරුනු වන්නේ මෙම ස්වභාවයේ ක්‍රියාවන් සාමාන්‍ය බවට පත්වීම්ට වැඩි කලක් නොගැනීමය. වේගයෙන් පැතිර යන මෙන්ම තදින් ආකර්ශනීය වන මෙම අවකාශයේ අශිෂ්ඨ බව මීලග පරම්පරාවල් වෙතට සාමාන්‍ය කරවිම කිසිසේත් නොසුදුසු වේ. සමහර විටක ගැටලුව වන්නේ සමාජජාලා අවකාශය යනු තම පෞද්ගලික දින පොතක සටහනක් හා ප්‍රධාන මාධ්‍යක් වෙතට කෙරෙන සටහනක් අතර වන දෙයක් බවට වන තේරුම් නොගැනීම විය හැක. සමහර විටක ඔවුන් යොජනා කරනු ඇත්තේ  “මගේ ගිනුම තුල මට රිසි දේ පවසන්නට වන අයිතියක්” ලෙසට විය හැක. තවත් ආකරයකින් පවසන්නේ නම් “මගේ දින සටහන් පොතේ වන පෞද්ගලික සටහනක් අනුන් දැකීම හා අපහසුතාවයට පත්වීම මගේ වරදක් නොවේ කියා විය හැක”. සමාජජාලා භාවිතය ඉහත කී අන්ත දෙකටම වඩා වෙනස් ආකාරයක් ගන්නා බව හඳුනා ගත යුතුය. හදාරන්නන් පෙන්වා දෙන්නේ සමාජජාලා සටහනක් අතිශය පෞද්ගලික නොවනවා සේම ප්‍රසිද්ධ මාධ්‍ය සටහනක් ද නොවන බවකි. නව භාවිතාවක් ලෙසට සංකීර්න බවක් ගන්නා මෙහිදී තම පෞද්ගලික සටහනක් සදහා රටක වන ප්‍රසිද්ධ සටහනක් සදහා ක්‍රියාත්මක වන නීතිය පැමිනීම සිදුවිය හැකි බව පෙන්වා දෙයි.

sila_samadhi_panna_Buddha

රකිනා සීලය හැරෙන්නට අන්සියල්ල අභිමානයක් කර ගැනීමේ ඛේදවාචකය…

        රකිනා සීලය හැරෙන්නට අන් සියල්ල අභිමානයක් කර ගන්නට උත්සාහ කිරීමේ ඛේදවාචකය අප අත්විඳිමින් සිටින්නෙමු. සිංහල සංස්කෘතියේ කේද්‍රස්ථානය වන ගමේ පංසල නවීකරනය වන්නට උත්සාහ කරන්නේ බාහිරින් වීම මෙම ගැටලුවේ කේද්‍රය විය හැකිය. මේ පූජනීය භූමීන් තුල තරගෙන ඉදිවන මන්දිර, අහස සිබ ගන්නා බුදු පිලිම, කොත් කැරලි වෙතට තම ප්‍රමුකත්වය දෙනවා විනා තමන් වහන්සේලා ‍රැක ගන්නා ශීලය ඔස්සේ ලැබෙන ප්‍රභාවත්බව තම අභිමානය කරගන්නට බහුලව මග හැරී ගොස් ඇති බව දක්නට පුලුවන. මේ තත්වයන් අවසානයේ අප අත්විඳින්නේ ඉතා අවාසනාවන්ත අත්දැකීම්ය. එක් විටක නෛතිකව පිලි නොගන්නා අවකාශයක ඇත් රජි‍ඳෙකු තම අභිමානය කර ගැනීමේ ගැටලුවය, තවත් විටක නෛතික ආයතනයන්ගේ ගෞරවනීය භාවය අභියෝගයට ලක් කිරීමේ ගැටලුවය. තවත් විටක දේශපාලනික චරිත වටා අනවශ්‍ය ලෙසට සමීප වීමේ ගැටලුය. මේ සියල්ල අවසානයේ අප කැඳවන්නේ වඩාත් අසරන සමාජ සංස්කෘතික පදනමකටය.

nationalities_700x442

සිංහල වීම විහිලුවක් වීම.

      නව යොවුන්වියේ නම් ඔබට වඩාත් ආකර්ශනීය මෝස්තරයකට අනූව සිංහල වීමට හැක. ඒ සිංහලේ මුද්‍රිත T Shart එකක් ඇග ලා ගැනීමෙනි. ඔබ වඩාත් ධනවත් නම් වඩාත් හුරුබුහුටි ලෙසට සිංහලේ විය හැක්කේ ඔබගේ නවීන පන්නයේ මෝර රථයේ පි‍ටුපස වීදුරුවේ සිංහලේ ස්ටිකරයක් ඇලවීමෙන්ය. මේ සිහලයෙකු වීමට ඇති නවීනතම ක්‍රමය පමනී. දේශපාලන ධාරාවක් ඔස්සේ සිංහල වීමට නම් හෙල උරුමය වැනි දෙශපාලනිකව මේ අවකාශයට ඇතුලු වීමට ඇති දොර‍ටු බොහොමයකි. එම සමහර දොර‍ටු ස්ථීරවම කාලසීමාවකින් තොරව ඇතුලු වන්නා සිහලයෙකු වන බවට සහතික වන අතර තවත් දේශපාලනික දොර‍ටු කලින් කලට එම සහතිකය වෙනස් කරවනද සුලුය. මෙපමනක් නොවේ නලීන්ද සිල්වා වැනි සිහල චින්තනීය අවකාශය නැවත සොයා ගත්තවුන් අනූව යමින් චින්තනීය ආකාරයටද කරන්නට හැකි වන අතර අපේ කුඩා දූපුතුන්ට අනූව නම් තමන් සිංහල බවට වන බරපතල ආවේගයක් සමග ආරෝපනය වෙමින් තමන් අවට වන , මේ බවට සැක කරන්නන්, එරෙහි වන්නන් හෝ නොසලකා හරින්නන් වෙතට පරුෂ වචනයෙන් බැන වදිමින් සටනට කැඳවීම ඔස්සේද කරන්නට හැක.
මේ සියල්ලට පිටින් තවත් සිදුවීමක් වේගයෙන් සිදුවෙමින් ඇත. එනම් මේ කියනා සිංහල බෞද්ධ අවකාශයේ  තීරනාත්මක සාධකයන්ගේ යම් ඉතිරීන්ද වේගයෙන් පරිහානියට පත්වෙමින් තිබීමය. තරමකට හෝ ඉතිරිව ඇති සැබෑ වටිනාකම්ද වෙගයෙන් මුල් සිඳ ගනිමින් තිබීමය. වෙසක් නැතිනම් පොසොන් සමයේ මාධ්‍යවලින් ඇසෙන ගාන්ඨාර නාදය තවත් විටක අවුරුදු සමයේ මාධ්‍යවලින් ඇසෙන රබන් හඬ කොවුලන්ගේ හඬ අවදිකරවන වෙලඳ ඉලක්ක බවට පත්වීමට වඩා යමක් වන්නට ඔවුනට නොහැකි වීමේ යතාර්ථයක් වෙමින් ඇත.
ඔනෑම සජීවී ජාතික ආගමික පැවත්මක් සදහා ඒවා තුලින්ම නිර්මානය වූ කේන්ද්‍රයන් වේ. යම් ජාතියක් හෝ ආගමක පැවැත්ම මුල් ස්වභාවයෙන් හහවුරු වන්නට නම් ප්‍රබෝදය පැමිනිය යුත්තේ මේවායින් විමට උදා හරන බොහෝ ඇත. මීට අමතරව එම ප්‍රබෝධයන් පැමිනෙන ආකාර බොහොමයකි. විටක ඒවා වෙළඳමය වන අතර තවත් විටක දේශපාලනිකය. නමුත් මේවා කිසිවක් පෙර කී සැබෑ මූලයන් වෙතට ඔබ ගෙන යනවා වෙනුවට  මගින් වන වෙනත් කෙටි ඉලක්ක සපුරා ගැනීම ඔස්සේ නතර වේ.

1lawreligiong

නීතිය ආගම නොසලකා හැරීම ලාංකිකව ප්‍රභූත්වයකි…

                නීතිය නොසල හැරීම, නීතියට ඉහලින් ක්‍රියාකිරීම මෙන්ම නීතියට අභියෝග කිරීම ලාංකික සමාජයේ ප්‍රභූමය ලක්ෂනයක් ලෙසට සලකනවා වැනිය. ඉදහිටක නීතිය වෙතට විසුලු කිරීමද දේශපාලනිකව සිදුවන්නකි. සරල නිදසුනකින් තත්වය පහදන්නේ නම් ජනාකීර්න මාවතක් මැද අයෙකු තම වාහනය ක්ෂනිකව නතර කර බැස යාම තාමත් සමාජය සලකන්නේ ප්‍රභූ බව සංකේථයක් ලෙසටය. එය එසේ සුදුවිය නැති වුවද නීතිය පවා මෙවන් අවස්ථාවක් අසලට පැමිනෙන්නේ පෙර තීර්නය කර ඇති ගරු බවක් පෙර දැරි කරගෙනය.
තවත් අපූරු සිදුවීමක් නම් යම් නෛතික විමසීමක් තමන් වෙතට පැමිනීම සමාජ ව්‍යාපාරයක් කර ගන්නට කටයුතු කිරීමය. මෙයද මෑතකාලීනව වඩාත් හොඳින් දැකිය හැකි ප්‍රවනතාවයකි. නෛතික විමසීමක් සදහා පැහැදිලිව මුහුන දෙමින් තම නිවැරදි බව තහවුරු කරගන්නට කටයුතු කරනවාට වඩා ඔවුන් ප්‍රමුකතාවය දෙන්නේ වටින් විත් සමාජ ප්‍රථිරෝධයක් ඒ වෙතට ගෙනෙන්නටය. හදාරන්නන් මේ සදහා පෙන්වා දෙන ආසන්නතම හා වඩාත් විසුලු සහගතම උදාහරනයක් නම් යම් ප්‍රභූවරයෙන් වෙතට නෛතික විමසීමක් එල්ල වූ අවස්ථාවේදී එම නෛතික විමසීම සදහා “මහා ධාර්මික” අර්ථනිරූපනයක් සමග අසරන තමන් වෙතට පැමිනෙන මෙම චෝදනා සදහා මුහුන දීමට අවශ්‍ය මිළ මුදල්  ‍රැස් කර ගන්නට කුඩා මුදලක් ආයාචනා කරමින් ප්‍රසිද්ධ පුවත්පත්වල ලක්ෂ ගනනක් වැය කරමින් දැන්විමක් පල කිරීමය.
මොනතරම් කෘතීම බෞද්ධ වටපිටාවක් වුවද අද වන විට “දහම රකින්නාව දහම විසින් රකිනු ඇත” වැනි පිලි ගැනීම් සමාජයෙන් ඉවත්ව ඇත. තම පදනම වන පන්සිල් පද පහ හැකි පමනින් ‍රැකීම ඔස්සේ දහම වෙතට පැමිනෙනවා වෙනුවට වෙන්නේ, එම මූලික පදනම පවා නොසලකා හැරිමින් මුත් බුදුදහම ‍රැක ගැනීම වෙනු වෙන් මාරාන්තික වීමට කැමති වීමය. තම තමන් අතින් ගිලිහෙමින් ඇති දහම වෙතට ඇති සැබෑ බැදීම ‍රැක ගන්නවා වෙනුවට හෝ ඒ සදහා ඇති අකමැත්ත පරා රෝපනය කරමින් තමා අවට වන විකල්ප වෙතට තදින් පහර දීමට කටයුතු කිරීම. නීතිය වෙතටද ඇත්තේ මෙවන් දැක්මකි. විටක වඩාත් ජනංප්‍රිය ලෙසට නීතියේ ආධිපත්‍ය බිඳ වැටීම ගැන විමසන ඔවුන්ම ප්‍රයෝගික තලයේදී නිතිය මග හරින්නට වන සියලු විකල්ප සොයන්නට කටයුතු කරයි.

2j22_RTR2JTTZ

ක්‍රමයෙන් සංසුන්වන සමාජ සුනාමිය වඩාත් වේදනාකාරීය….

              ක්‍රමයෙන් සංසුන් වන සමාජය සංවේදී වෙන්නෙකු තුල ඇති කරන්නේ මහත් භීතියකි. සංකේතීයව පවසන්නේ නම් ඒ සමාජීය සුනාමිය දිගටම තිබුනා කොතරම් හොඳදැයි හිතවන තරම්ය. රටේ විද්‍යුත්නාලිකාවල උදේ පුවත් පත් කියවන්නන් රටේ ප්‍රධාන ජාතික උත්සව පිලිවල විවේචනය කරන්නේ අතිශය හිතවතුන් සමග සැදෑවක මධුවිතක් සප්පායම් ව දොඩනවා සේ සැහැල්ලිවෙනි, වගකීමකින් තොර ලෙසිනි. ජාතික උත්සවයකට ගැනුනු ප්‍රසංගාත්මක අංගයක් ගැන විවේචනය කරන්නේ අතිග්‍රාම්‍යය නිවසකින් ඇසෙන සංවාදයකය දෙබසක් පරිද්දෙනි. සියලු ප්‍රමිතීන් ශූන්‍යව ඇති බව සපත කරමින් සියල්ලෝ ඇස් කන් අයාගෙන සිටිති. සමජයේ සියලු තීරනාත්මක භූමිකාවන් පවා අන්ද මන්ද කර ඇතුවා සේය.
ඇත්තෙන්ම සමාජය විසිනු කොට දමා ඇත්තේ දමනය නොකල ප්‍රාග්ධනයේ බලය විසින්ම පමනක්ද? අපිලිවලේ සමාජය මත ප්‍රාග්ධනයද ශූන්‍යවාදීව හැසිරෙන්නේ ඇත්තෙන්ම එහිම මුල් ස්වභාවය මත නිසාම පමනක් ද? දූපත් මානසිකත්වය සමග අභියෝගාත්මක නොවන සමාජීය නොදියුනු බව යලිත් වරක් අප පරදා ඇති නිසාද? සතර දෙසින් කොපි කරමින් අසීරුවෙන් නඩත්තු කරමින් සිටි සංකේතීය සමාජ ප්‍රභූ භූමිකාවන් නැවත නොපැමිනෙනු  ඇති බවට තරම්  අනතුරු අගවමින් වියැකී යාම මහත් වේදනාකාරී සමාජ අත්දැකීමක් බව වසන් කර ගන්නේ වඩ වඩාත් සමාජය යත වැලඳ ගනිමින් වීම කනගා‍ටු දායකය.
නීතියේ ආධිපත්‍ය විමසීමට සමජ තක්කඩියන් නිර්භීත වී සිටී. සදාචාරයේ සීමාවන් නිර්නය කිරීම ගනිකාවන්ගේ වගකීමක් ලෙසට පිලිගැනෙමින් ඇත. තර්කානුකූල වූවද නොවනද, සැබැවට සමාජය පිලිගත්තද නොවුනද, සංකේතාත්මක ප්‍රභුචරිත බොහොමයක් තම අතිශය පෞද්ගලික අශා අනන්‍යතා වටා කැර කැවෙමින් සිටින අතර ප්‍රමිතියක් නොතිබීමම තම ප්‍රමිතිය කරගත්  පාදඩ බව තමන් සමාජය මෙහෙයවීමේ වගකිවයුත්තා ලෙසට ස්වයං හඳුන්වාදීමට හා මෙහෙයවීමට  සියල්ලෝ එකගවී ඇතුවා සේ  සිටී.

3police-officer-2716

නිතියේ ආධිපත්‍යය බිඳ වැටීමනම් කිසිවෙකුට යහපතක් නොවුනු ඇත.

             ලංකාවේදී නිතිය ක්‍රියාත්මක වීමද සමහර විටක ගැටලු සහගතය. ඔවුන් සගවන්නේ නීතිය ක්‍රියාත්මක නොවිය යුතු තැන්ද ඇති බවකි. ගැටලුව වඩාත් සංකීර්න වනේ මෙම මතය දරන්නන් අතර නීතිය පිලිබදව ප්‍රමානාත්මක දැනුමක් ඇති ඇති බවට විදිමත් සහතික ලද්දවුන්ද සිටීමය. ලංකාවේදී නීති භාවිතාව ගැටලු සහිත බව ප්‍රකට කරවන මෑතකාලීන උදාහරනයක් ඌවේ පාර්ලිමේන්තු ඇමතිවරයෙක් තමන්ගේ නීතිවෘතියේ දී තම පාර්ශවය වෙනු වෙන් සිටින ලද මතයම පාර්ලිමේන්තු ඇමතිවරයෙකු ලෙසටද පාර්ලිමේන්තුවෙදී ද දැරීමය. මෙතෙක් පුරුදු පුහුනු කරමින් සිටි ක්‍රම වේදයක් අවාසනාවන්ත ලෙසට බැහැර වෙමින් ඔහුට තම ඇමතිධූරයෙන් බැස යන්නට පවා සිදුවිය.
යලිත් තත්වය මතුපිටට පැමින ඇත. ස්වමීන් වහන්සේ කෙනෙක් දරමින් හා ප්‍රකශ කරමින් සිටියේ ස්වමීන්වහන්සේලා ලංකාවේ පවතින නීතියට උඩින් සිටින බවකි. නීතිය පසිඳලන ස්ථානයකට පවා අනවසරව ඇතුලුව තම මතවාද පවා ප්‍රකාශකරන්නට කටයුතු කලහ. අවසානයේ ක්‍රියාත්මක වූ නීතිය උන්වහන්සේව ‍රැහැන් කරවන්නට කටයුතු කලහ.  දැන් තවත් සිදුවීමක් කරලියට පැමින ඇත. කවුරුන් වුවද තරුන ජිවිතයක් නීතියේ ‍රැහැනට හසුවීම කනගා‍ටුවට කාරනයකි. වගකිව යුතු පසුබිමක් ඇති අයෙකු ලෙසට ඔහුට මෙවන් අනවශ්‍ය නීතිමය විමසීමකට භාජනය විය හැකි කටයුතුවල නොයෙලෙන්නටද යුතු කමක් තිබිනි. කෙසේ මුත් දැන් අදාල නීති යාන්ත්‍රනය ක්‍රියාත්මක වීම ඇරබී ඇත. එපමනක් නොව එම සංක්‍රියවීම සදහා නෛතික අර්ථවලට අමතරව දේශපාලනික, සමාජීය නෙක අර්ථද කරලියට පැමිනෙමින් ඇත.
නිතියේ ආධිපත්‍යය බිඳ වැටීමනම් කිසිවෙකුට යහපතක් නොවුනු ඇත. අපරාධකරුවෙකුට පවා එය වෙහෙස කර අත් දැකිමක් බව පෙන්වන ප්‍රකට යතාර්තවදී සිනමා කෘතිපවා බෙහොමයකි. කොටින්ම එම තත්වය සමස්ථ සමාජයම නැවත අර්ථ නිරූපනය කර ගන්නට වන කැදවීමක් වනු ඇත. මහත් රිනාත්මක එවන් අර්ථ නිරූපනයන් එම වැසියන්ව ශතවර්ෂ ගනනකින් පවා ආපස්සට ගෙන යන්නට කටයුතු කරනු ඇත.

Symbol of law and justice in the empty courtroom, law and justice concept.

එක් අතකින් යෝෂිත මහතා අතින් සිදුව ඇත්තේ ගෞරවනීය පරිත්‍යාගයකි

          රටේ හිටපු රාජ්‍යනායකයාගේ පුතුනුවන් අත්වඩංගුවට පත්වීම මැදිහත් සිත් ඇති කිසිවෙකුගේ සතුටට කාරනවක් නොවනු ඇත. විශේෂයෙන් දීර්ගකාලීනව පැවති යුද්ධයක් අවසන් කර දමන්නට තීරනාත්මකව මැදිහත් වූ නායකයෙකුට මෙවන් අත්දැකීමක් පැමිනීම වඩත් වේදනාකාරී වනු ඇත. එහෙත් නීතිය, ප්‍රජාතන්ත්‍රවාදය  වැනි සංකල්ප ආගන්තුක වන රටේ සාමාන්‍ය ජන මනසට සාර්ථක හෙට දවසක් කැදවන්නට නම් මෙම සාධක නැවත ගෙනෙන්නට සිදුවීම අනිවාර්යය. ඒවා සියලු ජීවිත සදහා අදාල බව අවධාරනය වන්නට ඉඩ හැරිය යුතුම වීමද අනිවාර්යය.
එක් අතකින් යෝෂිත මහතා අතින් සිදුව ඇත්තේ ගෞරවනීය පරිත්‍යාගයකි. රටේ සියල්ලන්ටම ඉහලින් නීතිය පවතින බව පසක් කරලීමේ සිදුවීමක් ඔහුගේ ජීවිතය මතින් සටහන් වීම සිදුව ඇත. ධනය බලය මත නොව නීතිඅය රටේ ස්වධීනව ක්‍රියාත්මක වීමේ හැකියාව පවතින බව පසක් කරලීමේ සිදුවීමකට ඔහු අවාසනාවන්ත ලෙසට මුහුන පා ඇත. සාර්ථක හෙට දිනක් සදහා වචාල දේශපාලනය, මැර දේශපාලනය, අයුතු ධන මැදිහත්වීමේ දේශපාලනය අවසන් කල යුතු බවට වන තීරනාත්මක නව යුගයකට ඔහු අපව කැදවා ගෙන ගොස් ඇත. ඒ අර්ථයෙන් සැලකීමේදී රටේ යුද්ධය ජය ගැනීම සදහා රාජ්‍ය නායකයා තම පුතනුවන් පවා යුධ හමුදාවට පරිත්‍යාග කිරීමේ සංකේතාත්මක සිදු වීමට දෙවනි නොවන තවත් සංකේතීය අත්දැකීමකට ඔහු පරිත්‍යාගවී ඇත.

5idealseed-about-us-history-banner_img04

විටක ඉතිහාසයට අප වලකන යදමක්ද විය හක…

දවස වෙතට සාර්ථකව පිවිසෙන්නට සමත්වූ බොහෝ රටවල් වල ඉතිහාසය තුල ගුලිවීම දක්නට නැත. ඉන් අදහස් වන්නේ ඉතිහාසය නොසලකා හැරීම හෝ ව්කෘති කර ගැනීමද නොවේ. එය ආරක්ශා කර ගත යුතු මුත් ඒ තුල පැලපොදියම් වීම අප වැනි දිගු ඉතිහාසයක් ඇති රටකදී හා අතර මැදදී අවාසනාවන්තව කන්ඩනය වූ රටකදී ගැටලු සහගත වන්නේ තවත් ප්‍රධාන හේතුවක්ද සහිතවය. එනම් ලෝකය ඉදිරියේ මග හැරිය නොහැකි ප්‍රදාන සාධකයක් වන්නටද නොහැකි වීමද සමගය. වචන වල සියලු අර්ථ ගලයාම වර්ථමාන ලෝකයේ වඩාත් වේගවත්වී ඇත්තේ සියවස් ගනාවක් මහා සාධකයක්ව පැවති ලොව අන්තර්සබඳතා අතර තොරතුරු ගලා යාම ඒම ට බාදාවක්ව පැවති  සීමා මායිම් අන්තර්ජාලය ඔස්සේ මූලිකව බින්ද වැටීම තුලිනි.
ජැක්ශන් සමග ඉතිහාස ගතව කිමිදෙමින් හෙට දවසට අර්ථ ථසොයා ගැන්නට නොහැකි වනවා සේම අපගේ පදනම් සංස්කෘතික අර්ථ හිතුමතේට පොලෙවේ ගැසීම ඔස්සේද පවතින නිදහසක් දියුනුවක් අත්පත්කර ගන්නට නොහැකි වනු ඇත. මෙසේ කෙසේ මුත් එක සතයයක් නම් අප ඉදිරිපිට ඇත. එනම් ලොව සමග මීට වඩා සාර්ථක වන්නට නම් අපට වෙනස් වන්නට සිදුව තිබේ යන්නය. අපව ලෝකයේ ගොදුරක් නොව ඔවුන් සමග කරට කර වන්නට නම් අපට වෙනස් වන්නට සිදුව ඇත යන්නය. කල්පනාකාරීව වෙනස් වන්නට නම් අප අවට ඇති බොහෝ කාරනා කල්පනාවෙන් නැවත විමසා බැලීම අනිවාර්ය වී ඇත.
දු‍ටුගැමුනු රජතුමන් ඉතිහාසයේදී අපට මහා යෝධ පෞර්ෂත්වයක් වුවද අද දවසට එතුමන්ගේ සමහර දැක්මන් වලංගු නොවිය හැකිය. තවත් විටක ඉතිහාසය දෙසට වන අපගේ සමස්ථ දැක්මන් වලද ගැටලු කාරී වෙන්නේ ඇත්තෙන්ම ඉතිහාස ගතව ඒවාට ඇති වටිනාකම් නොසලකන්නට නොව සමහර විටක ඒවා වර්ථමානය අනර්ථකාරී ලෙසට අර්ථදක්වා ගන්නට භාවිතාකිරීම තුලය.